كوردە عومەر كلیپێكی نوێ بڵاودەكاتەوە
هونەرمەند كوردە عومەر كلیپێكی نوێ بۆ یەكێك لە گۆرانییەكانی بڵاودەكاتەوە.
كوردە عومەر لەڕێی تۆڕی كۆمەڵایەتی یوتوبەوە كلیپی گۆرانی چۆن دڵم دێت بڵاودەكاتەوە كە نوێترین كارێتی و پاش چەند ساڵێك دێت لە بڵاونەكردنەوەی هیچ بەرهەمێك.
گۆرانییەكە لە تێكست و ئاوازی زیاد ئەسعەدە و كاری میوزیكی بەرهەمەكەش لەلایەن ئاوارە مودەریسییەوە ئەنجامدراوە، كلیپی گۆرانییەكەش لە سوید وێنەگیراوە و سباستیان فۆڕسمان كاری دەرهێنانی بۆ ئەنجامداوە.
كوردە چوار ساڵ پێش ئێستا كلیپی گۆرانی زستان یان هاوین بێتی بڵاوكردەوە كە سەركەوتنێكی باشی بەدەستهێنا و لەدوای ئەو
كارەوە بەهۆی شەڕی داعش و بارودۆخی كوردستانەوە هیچ بەرهەمێكی نەبووە