یەکێک لە پیسترین سیاسەتەکانی سیستمی سەرمایەداری
بۆ سەرقاڵ کردن و بە لاڕێدابردنی بیر و شعوری سیاسی و کۆمەڵایەتی و هەر وەها هەستە مرۆڤایەتیەکان، بە ئیندیڤیدیۆم(تایبەتی) کردنی گەندەڵی و دڕندایەتی و کێشەکانی سەرمایەداری گلۆبالە.واتە ئەم سیستمی ئابووری و کارە بە دڕندانەترین شێوە تا مرۆڤ وزە و توانای بیرکردنەوە ی فکری و جەستەیی تیابێت کاری لێئەکێشێت و ئەیخاتە نێو بازنەی ژیانێکی ڕۆتین کە هیچ دەرفەتێکی بۆ ئافراندن و ژیانی خۆی و چێژ بردن لە ئازادیەکانی ناهێڵێت.مرۆڤایەتی کردۆتە دوو بەشەوە، بەشێکی لە نێو ئەم بازنە ئەخولێنەوە بۆ نان و سەرپەنا و بەشێکی بۆ دزینی نیوەی نان و سەرپەنای ئەو بەشەکەیتر.
بەڵام هەر کە ئەم هامستەره دوو پێیانە لە نێو بازنەکەیانا هەستیان بە ماندوویەتی کرد، هەستیان بە پچڕان کرد و هەستیان بە کۆیلایەتی و بێتامی ژیانیان کرد، خاوەن بازنەکە پێیان ئەڵێ بڕۆ بۆ لای دەروونناس و دەروونناس دەڵێت:تۆ تووشی دیپرێشێن واتە خەمۆکی بووی و ئە بێت دەرمان بخۆی و وەرزش بکەی و یۆگا بچی و مێدیتاسیۆن بکەی و لەم قسە پوچانە. لەم ڕێگەوە سیستمی سەرمایەداری بەردەوام لە هەوڵی ئەوەدایە هەر کات مرۆڤ له شێواز و مۆدێلی ژیانی بێزار بوو، بە ڕێگەهای جۆراو جۆر کێشەکان تایبەتی بکاتەوە بە تاکی مرۆڤەکانەوە، یانی بە مرۆڤە ماندووکان بڵێ ئەوەی کە تۆ بێزا و ماندووی و دۆڕاوی خۆت بەرپرسیاری کێشەکە لە خۆتایە.
بۆیە ئەرکی مرڤی هۆشیار شەڕکردنە لە گەڵ خودی ئەم سیستەمە داڕزاوی دژە ئینسانە نەک پەنا بردن بۆ بودا و ئۆشۆ و مێدیتەیشێن و یۆگا و مۆم داگیرسان.
نووسینی :ماریا کارگەر
