کوردێک خەڵاتی ڕێز لێنانی ئەمەریکای وەرگرت
فۆتۆگرافەرێکی کورد توانی خەڵاتی ڕێزلێنانی ئەمریکا وەربگرێت و چواردە وێنەی چووە ناو پێشانگای ساڵانەی ئەمریکا.
هیوا محمود حسن ناسراو بە هیوا نەقشی لەدایکبووی ساڵی ۱۹۷۷ ی سلێمانیه؛ کە شێوەکار و فۆتۆگرافەرە و ئێستا لە سلێمانی نیشتەجێیەو یەکێکە لە مامۆستاکانی کۆمەڵەی وێنەگرانی کوردستان.
ئەمساڵ بەشداری فێستیڤاڵی نێوەدەوڵەتی ئەمریکای کرد و توانی خەڵاتی ڕێز لێنان لە بەشی گەشت (travel photography) وەرگرێت وە هەروەها (۱٤) وێنەی لە بەشەکانی فۆتۆژۆرناڵیسم و ڕەش و سپی و گەشت و ڕەنگاوڕەنگ بۆ پێشانگاکە هەڵبژێردرا.
هیوا نەقشی هەروەها ساڵی 2013 توانیبوو مەدالیای زێڕی ئەم فستیڤاڵە لە تارانەوە بباتەوە.
فستیڤاڵی ساڵانەی PSA (photography society of America)فێستیڤاڵێکی ساڵانەیە کە لە چەن بەشی جیاوازی هونەری وێنەگرتن وەکوو سرووشت ,فۆتۆژورناڵیسم , گەشت , ڕەش وسپی و....پێک هاتووە و هەموو ساڵێک بۆ فۆتۆ گرافەرە هەڵبژاردراوەکانی سەرانسەری دونیا پێشانگا ئەکاتەوەو خەڵات ئەبەخشێت.
