 |
| وێنەی تابلۆی ناونیشانی دەزگای ژیان-لە چەمچەماڵ وێنە/گەنم-چەمچەماڵ |
گەنم-سایتی هەتاو-چەمچەماڵ
لەساڵی ۲۰۱۰دەوە ئەم دەزگایە وەک نەخۆشخانەیەک لەکاتژمێر۸بەیانییەوە تاوەکو کاتژمێر٤ـی پاشنیوەڕۆی هەموو ڕۆژانێکی هەفتە جگەلە ڕۆژانی هەینی و شەمە خزمەت بە نەخۆش دەکات.
۹ساڵە دەزگای ژیان بەشێوەی کاردنی خۆبەشی لەسەربنەمای هاوکاری کردنی کەس وکاری ئەنفال و شەهیدانی شەڕی دژی تیرۆر و ئەو کەسانەی تووشی تەنگەژەی دەروونی بوونە دامەزاوە و لەسنووری شارۆچکەی چەمچەماڵ بەردەوامە لەچارەسەرکردنی نەخۆشەکانی سنوورەکە و ڕۆژانە لەم دەزگایە ۲۰جۆری جیاواز چارەسەر پێشکەشی نەخۆشەکان دەکرێت.
گرنگترین ئەو نەخۆشیانەی نەخۆشخانەکە چارەسەریان دەکات.
۱-نەخۆشییە دەروونی و جەستەییەکان، کەلەناو ژناندا زۆرتر بڵاوە.
۲-پەشێوییە کەسایەتییەکان.
۳-دواکەوتوویی ژیری.
ئەم دەزگایە زیاتر نەخۆشانی فرە جوڵە و کەم تەرکیز وەردەگرێت و نەخۆشانی (شیزرۆفرینیا و ئۆتیزم) وەرناگرێت بۆئەنجام دانی چارەسەر بۆیان.
هەرکارمەندێکی ئەم دەزگایە ڕۆژانە سێ تا چوار نەخۆش دەبینێت بەمەبەستی چارەسەرکردنیان و ساڵانەش کارمەندەکان بۆمەبەستی ڕاهێنان و کارکردنیان لەبەشە جیاوازەکان دەنێردرێن بۆدەرەوی وڵات و لەوڵاتی ئەڵمانیا و وڵاتانی تری ئەوروپییەوە یاخود مانگانە لەو وڵاتەوە تیمی تایبەتی لەپزیشکانی بیانی سەردانی نەخۆشخانەکە دەکەن بەمەبەستی ئەنجامدانی ڕاهێنان بەپزیشکانی نەخۆشخانەکە، و هەروەها دەرمان و چارەسەرە پزیشکییەکانیان لەوڵاتانی ئەوروپییەوە بۆدەنێردرێت.
ئاکۆ فایەق بەڕێوەبەری نەخۆشخانەکە لەبارەی ناوی دەزگاکەوە بەنێردراوی هەتاوی ڕاگەیاند: "دەزگای ژیان واتا ژیانەوە وەک چۆن لەزستان دا هەموو شتێک دەمرێت و دواتر لەبەهاردا سەوز دەبنەوە، کۆمەڵگەی کوردەواریش بەوجۆرەیە و لەبەرئەوەی کارەسات و ڕووداوی زۆر ناحۆشی بەسەرهاتووە نەخۆشییەکانیش وەک مردن وان و ژیانێکی تازەی پێبەخشیوە".
ئاکۆ گوتیشی، لەداهاتوودا چەند بەشێکی دیکەی دەزگای ژیان لەشارەکانی (موسڵ لەعێراق و حەسەکە و قامیشلۆ لەسوریا) دەکرێنەوە بەمەبەستی هاوکاری کردنی ژنانی ڕزگاربووی دەستی داعش تابتوانن لەو تەنگەژە دەروونیانە ڕزگاریییان بکەن.
دەزگای ژیان ساڵی ۲۰۰٥ لەلایەن هاوڵاتییەکی شاری کەرکوک بەناوی (سەڵاح ئەحمەد عارف)ـەوە لەشارەکە دامەزراوە و ئێستا لەزۆربەی شار و شارۆچکەکانی هەرێمی کوردستان بەشێوەیەکی خۆبەخشانە کارەدەکات خزمەت بەهاوڵاتییانی ناوچەجیاجیاکانی هەرێمی کوردستان دەکات.
ئـ،و
 |
| وێنەی پرسگەی دەزگای ژیان لەچەمچەماڵ وێنە/گەنم-چەمچەماڵ |
