زیانەکانی چای ماچا
پاودەری چای ماچا بەفراوانی لەهەموو جیهاندا بەناوبانگە چای ماچا جۆرێکە لە چای سەوز کە ڕەسەنەکەی دەگەرێتەوە بۆ یابان.
وەک هەموو شتەکانی تر چای ماچا هەندێک لایەنی کاریگەری شاراوەی هەیە کە پێویستە ئاگاداری بیت پێش ئەوەی بەشێوەیەکی ئاسایی دەست بە خواردنەوەی بکەیت .
کافاینی تێدایە
چای ماچا کافاینی تێدایە کە هاندەرێکە دەتوانێت خەوت بزرێنێ و ڕێژەی لێدانی دڵت زیادبکات ئەگەر تۆ هەستیاریت بە کافاین هەیە یان زۆر بەکاری دەهێنیت لەوانەیە تووشی کاریگەرییە لاوەکییەکانی وەک دڵەڕاوکێ و ترس و بێخەوی بیت
لەوانەیە کارلێک بکەن لەگەڵ دەرمانەکان
بەپێی توێژینەوەیەکی ڕاپۆتکراو چای ماچا لەوانەیە کارلێک بکات لەگەڵ هەندێک دەرمان وەک (تەنکەرەکانی خوێن ، دەرمانی فشاری خوێن ) کە دەبێتە هۆی کاریگەری خراپ لەسەر نەخۆشەکان
لەوانەیە ببێتە هۆی دروستبوونی بەردی گورچیلە
چای ماچا جۆرێک لە خوێی تێدایە کە پێکهاتەیەکن کە دەتوانن بەکالیسیۆمەوە ببەسترێنەوە و بەردی گورچیلە دروست بکەن ئەگەر تۆ بتەوێ تووشی بەردی گورچیلە ببت یان پێشتر بەردی گورچیلەت هەبووبێت گرنگە پێش ئەوەی چای ماچا بخۆیتەوە قسە لەگەڵ دکتۆرەکەت بکەیت
ڕەنگە بۆ منداڵان گونجاو نەبێت
چای ماچا بەهۆی پێکهاتەی کافاینەوە بۆ منداڵان پێشنیار ناکرێت هەتا منداڵەکە بچوکتر بێت لەوانەیە کافاین کاردانەوەی خراپتری هەبێت لەسەری تەنانەت بە بڕێکی کەمیش بێت ، هەروەک ڕاپۆرتی چاودێری تەندروستی پیتسبێرگ، چای ماچا دەتوانێت زیان بە کرداری جگەر بگەیەنێت لە منداڵان
لەوانەیە ئاستی شەکری خوێن بەرزبکاتەوە
چای ماچا جۆرێک شەکری تێدایە پێی دەوترێت ماڵتۆز . ماڵتۆز شەکرێکە کەلەناو جەستە لێک هەڵدەوەشێ بۆ گلوکۆز .
بۆ ئەو کەسانەی کە نەخۆشی شەکرەیان هەیە یان ئەوانەی کە هەوڵدەدەن ئاستی شەکری خوێنیان کۆنترۆڵ بکەن ئەمە دەبێتە گرفتێک و زۆر خواردنەوەی گلوکۆز دەبێتە هۆی بەرزبوونەوەی ئاستی شەکری خوێن.
ئەگەر تۆ نیگەران بیت لە کاریگەرییەکانی چای ماچا لەسەر ئاستی شەکری خوێن باشتر وایە قسە لەگەڵ دکتۆرەکەت یان پزیشکی خۆراکی تۆمارکراو بکەیت پێش ئەوەی بەشێوەیەکی ڕێک و پێک بیخۆیتەوە
وەرگێڕ: ماریا یادگار
سەرچاوە: M MARHAM
