هەتاو-کەرکوک
چیرۆکی وەفای کچ و کوڕێکی کەرکوکی بۆ دایک و باوکیان سەرنجی زۆرێک لەمیدیاکانی بەلای خۆیدا ڕاکێشاوە و ئەوەی سەیرە هیچ یەکێکیشیان ئامادەنین بەهیچ جۆرێک باسی ئەو چیرۆکە بکەن و ڕێگە بەمیدیاکاج نادەن چاوپێکەوتنیان لەگەڵ بکەن.
جەمیل پادشای ئاوچی تروکمانێکی ڕەسەنی کەرکوکە و لەنیوەی دووەمی سەدەی ڕابردوو بەڕێوەبەری فەرمانگەی تەندرووستی کەرکوک بووە و لەناوەڕاستی دەیەی شەستەکانی سەدەی ڕابردوو بەهۆی ڕووداوێکی هاتووچۆ خۆی و خێزانەکەی گیانیان لەدەستداوە و تەنها کوڕێک و کچێکی ماونەتەوە، کەتەمەنیان نزیک دەبێتەوە لە١٠٠ساڵ بەڵام تائێستا ژیانی هاوسەرییەتیان پێکنەهێناوە تەنها ماونەتەوە و ڕۆژانە لەگەڵ یادوەرییەکانی دایک و باوکیان دەژین و لەماڵەکەیاندا چەندین ئۆتۆمبێلی مێژوویی هەیە و لەنێو ماڵەکەدا ماونەتەوە و ڕێگەنادەن کەس نزیکی ئۆتۆمبێلەکانیان بکوێتەوە.
ماڵەکەی جەمیل پادشا، کە ئێستا سیدادی پادشای کوڕی و کچێکی لەنێو ماڵەکەدا ماونەتەوە، دەکەوێتە سەرەتای شەقامی کۆماری لەشاری کەرکوک مێژووی درووستکردنی خانووەکەی دەگەڕێتەوە بۆدەیەی پەنجاکانی سەدەی ڕابردوو، کە ئەوکات بۆسیداد پادشای کوڕی درووستکردووە، کە دکتۆرای لەیاسای نێودەوڵەتی هەیە و تاوەکو ساڵی ٢٠٠٧ کاری پارێزەری کردووە، نزیکەی حەوت دەیەشە لەنێو ئەو خانووەدا دەژین و بەدەگمەن دەبیندرێن لەو خانووەدا بێنە دەرەوە.
