دوو منداڵ بە بۆردومانی هاوەن لە ناحیەی قەرەتەپە برینداربون،
دوو منداڵ بە بۆردومانی هاوەن لە ناحیەی قەرەتەپە برینداربون، دوای ئەوەی دوو گولـلە هاوەن خانووەكانیانی كردە ئامانج كاتژمێر 5:45 خولەكی ئەمشەو 13ی تشرینی دووەم، ژمارەیەك گولـلە هاوەن ئاراستەی ناحییەكە كران، بەپێی وتەی ئیبراهیم عەلى، لێپرسراوى كۆمیتەى یەکێتى لە قەرەتەپە، "دووان لە گولـلە هاوەنەكان بەر خانوی دوو خێزان كەوتون و بەهۆیەوە دوو منداڵ برینداربون، بەڵام برینەكانیان سوكن"ئاراستەكردنی ئەو گولـلە هاوەنانە لەكاتێكدا ئەمڕۆ ئۆپەراسیۆنێكی سەربازی لەلایەن هێزە عیراقییەكانەوە لە سنوری پارێزگای دیالە و زنجیرە چیای حەمرین ئەنجامدرا، بە ئامانجی دۆزینەوەی مۆڵگە و شوێنی حەشاردانی گروپە توندڕەوەكان لە نێویاندا چەكدارانی رێكخراوی دەوڵەتی ئیسلامی لە عیراق و شام ناسراو بە (داعش)
وێنە: دیاله، ئایاری 2020، هێزێكی ئه‌منی له‌كاتی لێكۆڵینه‌وه له هێرشه‌كانی سه‌ر گوندێكی قه‌زای خانه‌قین فۆتۆ: ئه‌میر خانه‌قینی
